பிரித்தானிய ஆயுதப்படைகளில் இலங்கையர்களும் இணையலாம்!
பிரித்தானியாவில் வசிக்காத இலங்கையர்களும் கூட பிரித்தானிய ஆயுதப் படைகளில் இணைந்து கொள்ள முடியும் என்று பிரித்தானிய பாதுகாப்பு அமைச்சு அறிவித்துள்ளது.
இந்தியா, இலங்கை, அவுஸ்திரேலியா, கென்யா, பிஜி, உள்ளிட்ட பொதுநலவாய நாடுகளைச் சேர்ந்தவர்கள் பிரித்தானியாவில் வசிக்காத போதும், பிரித்தானிய ஆயுதப் படைகளில் இணைந்து கொள்ள முடியும் என்றும் அறிவிக்கப்பட்டுள்ளது.
பொதுநலவாய நாடுகளைச் சேர்ந்தவர்களை பிரித்தானிய ஆயுதப்படைகளில் சேர்த்துக் கொள்வதற்கான விதிமுறைகளைத் தளர்த்தும் இந்த முடிவு பிரித்தானிய பாதுகாப்பு அமைச்சினால் அறிவிக்கப்பட்டுள்ளது.