யாழில் இடம்பெற்ற விபத்தில் இளம் குடும்பஸ்தர் பலி!

யாழ். அல்லைப்பிட்டி – ஊர்காவற்றுறை பிரதான வீதியில் இடம்பெற்ற விபத்தில் இளம் குடும்பஸ்தர் உயிரிழந்துள்ளார்.

இந்த விபத்து நேற்று (வெள்ளிக்கிழமை) நேர்ந்ததாக ஊர்காவற்றுறை பொலிஸார் தெரிவித்தனர்.

அளவெட்டி கிழக்கைச் சேர்ந்த நிதர்ஷன் (வயது 21) என்பவரே இவ்வாறு உயிரிழந்துள்ளார்.

மோட்டார் சைக்கிளில் வந்த குறித்த இளம் குடும்பஸ்தர், டிப்பர் வாகனத்துடன் மோதி விபத்துக்குள்ளாகியுள்ளார்.

இந்நிலையில் படுகாயமடைந்த அவரை, யாழ்ப்பாணம் போதனா வைத்தியசாலைக்கு கொண்டுசெல்லும் வழியில் அவர் உயிரிழந்ததாக பொலிஸார் தெரிவித்தனர்.

விபத்து தொடர்பாக ஊர்காவற்றுறை பொலிஸார் மேலதிக விசாரணைகளை முன்னெடுத்து வருகின்றனர்.