மஸ்கெலியா மசூதியிலிருந்து 47 வாள்கள் கண்டெடுப்பு – ஒருவர் கைது!

மஸ்கெலியாவில் மசூதி ஒன்றிலிருந்து 47 வாள்களுடன் ஒருவர் கைதுசெய்யப்பட்டுள்ளதாக மஸ்கெலியாபொலிஸார் தெரிவித்துள்ளனர்.

இந்த கைது சம்பவம் இன்று (சனிக்கிழமை) இடம்பெற்றுள்ளது.

நாட்டில் ஏற்பட்டுள்ள அசாதாரண சூழ்நிலை காரணமாக மஸ்கெலியா பொலிஸாரும் இராணுவத்தினரும் இணைந்து மேற்கொள்ளபட்ட சுற்றிவளைப்பின்போதே குறித்த வாள்கள் கண்டெடுக்கப்பட்டுள்ளன.

குறித்த மசூதியில் உள்ள களஞ்சியசாலையில் இந்த வாள்கள் இருந்ததாகவும் எதற்காக இந்த வாள்கள் அங்கு வைக்கபட்டன என பொலிஸார் குறித்த சந்தேகநபரிடம் வினவியபோது அவர் தனக்கு தெரியாதென கூறியுள்ளார்.

கைது செய்யப்பட்ட சந்தேகநபரை தடுப்புகாவலில் வைத்து மஸ்கெலியா பொலிஸார் விசாரனைகளை மேற்கொண்டு வருவதோடு அவர் பயங்கரவாதிகளோடு தொடர்புடையவராகவிருக்கலாமென பொலிஸார் சந்தேகம் வெளியிட்டுள்ளனர்.

மேலும் அவரை ஹட்டன் நீதிமன்றில் முன்னிலைப்படுத்தவுள்ளாத மஸ்கெலிய பொலிஸார் மேலும் தெரிவித்தனர் இச்சம்பவம் குறித்து மேலதிக விசாரணைகளை மஸ்கெலிய பொலிஸார் மேற்கொண்டு வருகின்றமை குறிப்பிடதக்கது.